பிறரது காலில் விழுவது இணைவைப்பாகும்

பிறரது காலில் விழுவது இணைவைப்பாகும்

தரீக்காவாதிகள் தங்களது சைகுமார்களின் காலில் விழுகிறார்கள். காலை கழுவி அந்த நீரை குடிக்கிறார்கள். இவ்வாறு செய்வது இணைவைப்பாகும். ஏனென்றால் நமது தலை அல்லாஹ்விற்கு மட்டுமே சாய வேண்டும்.

இரவு, பகல், சூரியன், சந்திரன் ஆகியவை அவனது சான்றுகளில் உள்ளவை. சூரியனுக்கோ, சந்திரனுக்கோ ஸஜ்தாச் செய்யாதீர்கள்! அவனையே நீங்கள் வணங்குவோராக இருந்தால் அவற்றைப் படைத்த அல்லாஹ்வுக்கே ஸஜ்தாச் செய்யுங்கள்!

அல்குர்ஆன் (41 : 37)

உமது இறைவனிடம் இருப்போர் (வானவர்கள்) அவனுக்கு அடிமைத்தனம் செய்வதைப் புறக்கணிக்க மாட்டார்கள். அவனைத் துதிக்கின்றனர். அவனுக்கே ஸஜ்தாச் செய்கின்றனர்.

அல்குர்ஆன் (7 : 206)

அவர்கள் தமது இறைவனுக்காக ஸஜ்தாச் செய்தும், நின்றும் இரவைக் கழிப்பார்கள். அல்குர்ஆன் (25 : 64) நபி (ஸல்) அவர்களுக்கு சிரம்பணிய நபித்தோழர்கள் அவர்களிடம் அனுமதி கேட்ட போது நபியவர்கள் அதை தடை செய்தார்கள். நபி (ஸல்) அவர்களுக்கே சிரம் பணியக் கூடாது என்று சொல்லப்பட்டிருக்கும் போது அவர்களின் கால்தூசிக்கும் ஈடாகாத போலி சைகுமார்களுக்கும் பெற்றோர்களுக்கும் கண்டவர்களுக்கும் எப்படி சிரம் பணியலாம்? 

நான் எமன் நாட்டிலிருந்து திரும்பி வந்த போது அல்லாஹ்வின் தூதரே யமன் நாட்டில் உள்ள மனிதர்கள் ஒருவர் மற்றவருக்கு சிரம் பணிகிறார்கள். எனவே நாங்கள் உங்களுக்கு சிரம் பணியட்டுமா? என்று கேட்டேன். அதற்கு அ ல் ல ô ஹ் வி ன் தூதர் (ஸல்) அவர்கள் ஒருவர் இன்னொருவருக்கு சிரம் பணியுமாறு நான் கட்டளையிடுவதாக இருந்திருந்தால் மனைவி தன் கணவனுக்கு சிரம் பணியுமாறு கட்டளையிட்டிருப்பேன். (அதையே நான் தடை செய்திருக்கும் போது எனக்கு சிரம் பணிவதை எப்படி அனுமதிப்பேன்) என்று கூறினார்கள்.

அறிவிப்பவர் : முஆத் பின் ஜபல் (ரலி)

நூல் : அஹ்மத் (20983)